Matul ix-xhur tas-Sajf, l-Aġenzija Nazzjonali tal-Litteriżmu offriet il-programm ‘Naqra Teatru / Literacy and Drama Programme’ lil tfal li matul is-sena skolastika li għaddiet kienu fil-ħames u fis-sitt sena. L-għan tal-programm hu li t-tfal jiżviluppaw il-ħiliet tad-drama u tal-lingwa, jitħajru jaqraw aktar u jkunu kapaċi jesprimu l-ħsibijiet u l-emozzjonijiet tagħhom permezz ta’ logħob multisensorjali.
Is-sessjonijiet saru fiċ-Ċentru Nazzjonali tal-Litteriżmu, il-Ħamrun, kull nhar ta’ Erbgħa, Ħamis u Ġimgħa.
