Il-Politika Lingwistika għas-Snin tal-Primarja f’Malta u Għawdex tkompli tibni fuq Il-Politika Lingwistika għas-Snin Bikrin. Tfasslet apposta biex tagħti direzzjoni ċara kif jistgħu jintużaw il-lingwi fis-snin tal-Primarja (bejn 7 u 11-il sena). Il-politika tippromwovi t-tagħlim tal-Malti u l-Ingliż f’kuntest multilingwi rikk. Fiha hemm rakkomandazzjonijiet kif it-tfal, ġenituri, kustodji, amministraturi tal-iskejjel u edukaturi tal-għalliema jkunu protagonisti fit-tħaddim tal-bilingwiżmu. L-awturi ta’ din il-politika huma Charles L. Mifsud, Lara Ann Vella u David Muscat. Il-politika tfasslet fuq ir-rakkomandazzjonijiet tal-Kumitat Ministerjali tal-Politika Lingwistika fl-Edukazzjoni, wara li saret konsultazzjoni pubblika wiesgħa.
Il-Politika Lingwistika għas-Snin tal-Primarja f’Malta u Għawdex tnediet mill-Onorevoli Ministru għall-Edukazzjoni, Sport, iż-Żgħażagħ, ir-Riċerka u l-Innovazzjoni Dr Clifton Grima nieda fl-10 ta’ Jannar, 2023. Din it-tnedija saret fl-Iskola Primarja A tal-Mosta, tal-Kulleġġ Maria Reġina.
Id-dokumenti jistgħu jiġu aċċessati hawnhekk:
