Nitgħallmu Flimkien mal–Iskola Primarja tar-Rabat Għawdex

Din is-sena, l-iskola primarja tar-Rabat fi ħdan il-Kulleġġ ta’ Għawdex iċċelebrat l-inklużjoni matul is-sena skolastika permezz ta’ attivitajiet varji u li fihom ħadu sehem l-istudenti kollha li jattendu din l-iskola. Il-punt tat-tluq kienet l-istorja tal-iljunfant Elmer, iljunfant differenti mill-bqija ta’ sħabu. It-tfal, bil-għajnuna tal-għalliema, għamlu krafts, żfin, tpinġija, kitbu u tkellmu dwar il-fatt li aħna kollha differenti, uniċi u għalhekk kollha sbieħ. Dan jaqbel perfettament mal-isem tal-iskola Happy School, skola ferħana fejn kull membru ta’ din il-familja jħossu milqugħ u apprezzat.